Sana ideklara ni GMA na walang pasok sa July 21 dahil...

Darating si Kobe sa Pinas at gusto ko sanang makita siya nang personal.

Kung gusto nyong malaman ang mga detalyo pindutin nyo ang salitang ITO.

Hay, hindi man ako super fan ng Lakers o kahit ni Kobe mismo. Siya pa rin si Kobe.

Monday the 13th

*ang titulo ay ideyang nagmula sa isang blog entry ni kaibigan kong si Randy

Hindi naman ako minalas. Andami ko lang kailangang gawin ngayon, kaya lang marami pang gumugulo sa isip ko. Kanina, nagkaroon kami ng diskusyon ng isang espesyal na kaibigan tungkol sa relasyon ng pagmamahal at pagtitiyaga.

Ako: Pwede kang magtyaga nang hindi nagmamahal ...
Siya: pero hindi ka puwedeng magmahal nang hindi nagtiyatiyaga

Hindi ka ba talaga puwedeng magmahal nang hindi nagtiyatiyaga? Naniniwala naman ako pero mas matimbang sa akin ang sagot na DEPENDE..
Please paliwanagan nyo ako.

Para sa aking ama at sa iba pang kasing dakila nya:

Paano ba nabubuo ang isang bata? Syempre, sa pagniniig ng similya ng lalaki at itlog ng babae. Tapos, magsisimula nang lumobo ang tyan nung babae, tapos baby na kapag pinanganak. Parang ganun lang kasimple noh? Pero sa paghubog ng isang bata, magsisimula ang isang malaking responsibilidad--ang mapalaki sya nang maayos at may pagmamahal sa Diyos at sa iba.

Alam kong hindi ako naging mabuti at masunuring anak sa lahat ng pagkakataon. Sa kabila ng lahat ng kabiguan at sakit na naidulot ko sa inyo, tinanggap at inalalayan nyo pa rin ako. Hindi nyo ako pinabayaang manatiling nakadapa. Bagkus, itinayo nyo ako at muling inakay sa tamang landas. Dati, sa kalakihan ng aking ulo, iniisip kong syempre responsibilidad nyo iyon pero napagtanto kong hindi iyon ganun kasimple.

Hindi lahat ng lalaking may kakayahang makabuo ng bata ay may kakayahang maging ama. Hindi lahat ng lalaking nakabuo ng bata ay matatawag na ama.May mga lalaking pinababayaan ang kanilang mga anak, mas malala inaabuso pa sila. May mga lalaking itinatakwil ang bunga ng kanilang kapusukan. Sa mga pagkakataong ito, hindi sila nararapat tawaging ama.Gaya ng pagtawag ng anak sa kanyang nanay ng ina, ganun din kasagrado ang pagtawag sa isang tatay ng ama.Ang pagiging ama ay hindi lang isang responsibilidad na mapasusubo kang gampanan. Ang pagiging ama ay laging pinangungunahan ng pagmamahal.

Kaya Papa, Ama, Tatay, Daddy, anu-ano pa mang terminong iugnay sa iyo, nasi kong iparating ang walang hanggang pasasalamat hindi lang sa paggampan ng responsibilidad mo sa akin bilang tatay pero sa walang kondisyong pagmamahal.

Gawa-gawa man ng kapitalistang mundo ang araw na ito, gusto na rin kitang batiin ng isang maligayang araw ng mga Ama.Mahal kita. :-D